~ كيف إيدكـ إطعنتني وآنا أحْسِبْهَـا أمينـه ..؟ ~

ماتغيَّر شي .. بغيابك .. لكن صآر فاضي هالمكـآن
يعني إنتَ شفت قلبي طحت مِنْ عيني وعينـه

كان لكـ قلبي مدينه ولآحظ إني قلت : ((كآن))
يعني إنتَ الحين وآحد ((خآرج حـدود المدينه))

ليه مستغرب كلامي وليـه أعطيـكـ الأمـآن
وليه تَكْذِب في كلامكـ العـذر وينـكـ ووينـه

ما ألومكـ كان قلبـكـ ثـآرت أموآجـه وخـآن
الخطــأ منَّي لأني صرت فـي بحـركـ سفينـه

والسؤآل اللَّي كتمته ومآ نِطَـق فيـه اللسـآن
كيف إيدكـ إطعنتني وآنا أحْسِبْهَـا أمينـه ..؟

جرحي مآ يرضيه قلبكـ لو يجـي كلِّـه حنـآن
لو تبــوس الجرح فيني ولـو تقبلهـآ إيدينـه

يُوم أحبكـ قلت كلمه : ( يكرَم المرء أو يُهآن )
وإنتَ قلبي مآ كرمته ومآ قدرت إنِّـك تهينـه

( عزِّتـي ) .. ما هي جديدهـ آنا شامخ من زمآن
إغسل إيدكـ من رجوعي وروح يا إبن اللذينه

طآب خآطر قلبي منِّكـ وهذي الفرقـى رهـآن
وحتَّى لو قلبي يحبـكـ ربِّـي بفرآقـك يعينـه

تدري لمآ قلت أحبكـ قلت ومآ عنـدي ضمـآن
وإختيآري كآن خآطىء تجربه بالحيـل شينـه

كنت تخطي وكنت أسآمح مرَّهـ مرتين وثمـآن
أدمح الزله عشآنكـ وأكتـم أنفـآس الغبينـه

كنت أحبكـ وكنت أعزك والغلآ فينـي جبـآن
أخاف تزعل لو ألومكـ ضعت مآ بينـكـ وبينـه

في عيون النآس عآدي بس في عيني جنـآن
وكآن قلبي من يشوفكـ تفضحه نظـرة حنينـه

مآني أوَّل من يحب ومنتَ آخر شخص خـآن
المحبه في زمآنكـ بحـــرهآ من غيـر مينـه

الفشل .. كآن النتيجه وأعتقـد آن الأوآن
أبني مستقبل حيآتي وأنسى قصتنـآ الحزينـه

وخطوتي الأولى غيابكـ ورآح أطبقهآ عشـآن
يبكي قلبكـ لآ فقدني والندم .. يملـي سنينـه

جآي تسأل عن مكآنكـ !! هو بقى فيني مكآن ؟؟
الله يرحمهآ المشآعر اللي كآنت لـكـ رهينـه

قلت لكـ قلبي ( مدينـه ) فيهآ لكـ حشمه وشآن
لكن إنتَ الحين أغرب شخص في هذي المدينه

منقووول للعيون الحلوة

جرحي مآ يرضيه قلبكـ لو يجـي كلِّـه حنـآن
لو تبــوس الجرح فيني ولـو تقبلهـآ إيدينـه

.. مشكووووره امبروطرتنــآآ ع الابيآت ..

العفوو خيتي

نورتي